काठमाडौं, पाकिस्तानमा धेरै स्कुले बालबालिका मारिएको घटनापछि उनीहरुको अन्त्येष्टि हुँदै गर्दा एउटा समाचार आयो एकजना १५ बर्षे किशोर निदाएर स्कुल छुटेकै कारण बाँच्न सफल भए ।

उनी बाँच्न सफल हुनुको पछाडी अचम्मको संयोगले काम गरेको छ, उनलाई उठाउने घडीको अलार्म विग्रनु । त्यहि संयोगका कारण बाँच्ने सफल भए दाउद इब्राहिम ।

इक्प्रेस ट्रिव्यून पत्रिकाका अनुसार दाउद अघिल्लो राती एउटा विवाह समारोहमा परिवारका अरु सदस्यसँगै सहभागि भएका थिए । मंगलवास बिहान उनी समयमा उठेनन् र उनी विद्यालय जान सकेनन् । त्यहि ढिलो हुनु नै उनको जीवन बाँच्ने कारण बन्यो ।

“दाउद निक्कै भाग्यमानी रहेछ । उसले विद्यालय छुटायो किनकी हामी अघिल्लो रात विवाहमा गएका थियौं । उ धेरै ढिलासम्म सुत्यो” दाउदका दाजु सुफिनले भनेका छन् “यो नै उसको भाग्य भयो ।”

सैनिक विद्यालय तथा कलेजमा ११ सय भन्दा धेरै विद्यार्थी थिए । त्यसमध्ये दाउद ९ कक्षाका विद्यार्थी हुन् । उनी जुडोका १६ बर्ष मुनीका खेलाडी पनि हुन् । दाउदका दाजु सुफिनका अनुसार दाउदको कक्षाका अरु सवै विद्यार्थी मारिएका छन् । त्यसैले बुधवार दाउद आफ्ना साथिको अन्त्येष्टिमा गएर दिन विताए ।

“दाउद कोहिसँग पनि बोल्न मान्दैन, उ साह्रै भाव विव्हल भएको छ, किनकी उसको कक्षाको कोहि साथि अव जीवित छैन” सुफिनले भने ।

पाकिस्तानको सैनिक विद्यालयमा गत मंगलवार तालिवानी आक्रमणमा परेर १४२ जना मारिएका थिए । त्यसमध्ये धेरैजसो स्कुले विद्यार्थी थिए ।

तपाईको भनाई के छ ?