काठमाडौं-भूकम्प पिडीतलाई अत्यावश्यक राहत वितरण गर्न गैरआवासीय नेपाली संघको टोली बिहीबार काठमाडौंबाट सिन्धुपाल्चोकतर्फ प्रस्थान गरेको छ ।

गैरआवासीय नेपाली संघ अन्तराष्ट्रिय समन्वय परिषद्को आह्वानमा रकम संकलन अभियानमा सहभागी हुँदै काठमाण्डौ आइपुगेका एनआरएन अगुवाहरु र स्वयंसेवकहरु टोलीमा सहभागी छन् ।

बिभिन्न ७ जिल्लामा राहत बितरण गर्ने गैरआवासीय नेपाली संघको योजनाअनुसार पहिलो जिल्लाका रुपमा सवैभन्दा क्षति पुगेको सिन्धुपाल्चोकको चनौटेमा राहत बितरण गर्न लागिएको हो ।

सो टोलीको नेतृत्व गैरआवासीय नेपाल संघ, अन्तर्राष्ट्रिय समन्वय परिषद, वैदेशिक रोजगारी तथा आप्रवासी कामदार कल्याणकारी समितिका उपाध्यक्ष तथा राष्ट्रिय समन्वय परिषद बहराइनका निवर्तमान अध्यक्ष श्याम तामाङ्गले गरेका छन् ।

टोलीमा अष्ट्रेलियाबाट आएका १५ जना नर्स तथा स्वास्थ्य स्वयंम सेवकहरु तथा दुई जना डाक्टरहरु समावेश छन् । टोलीले १००० थान त्रिपाल, २००० थान कम्वल, ५०० कार्टून चाउचाउ, १००० केजी चिउरा तथा प्राथमिक तथा आवश्यक औषधी र स्यानिटेशनका समानहरु वितरणको लागि लगेका छन् ।

टोलीले शुक्रवारदेखि संघका अध्यक्ष शेष घले तथा अन्य पदाधिकारीहरुको उपस्थितिमा राहतका सामग्री वितरण गर्नुका साथै स्वास्थ्य शिविर संचालन गर्ने छ ।

सो टोली उक्त स्थानमा चार दिन सम्म रहेन छ र आसपासका क्षेत्रहरुमा समेत स्वस्थ शिविर संचालन गर्ने छ ।

गैरआवासीय नेपाली संघले नेपालका भूकम्प पिडीत नेपालीलाई राहत प्रदान गर्न आह्वान गरेपछि संसारभर छरिएर रहेका नेपालीहरुले झण्डै १० करोड रुपैया संकलन गरेर राहत प्रदान गर्ने तयारी थालेका हुन् ।

टोलीमा समावेश डाक्टर, नर्स तथा स्वयंमसेवीहरुः डाक्टरः डा. विदुर ढकाल (नेपाल) डा.जयराम कार्की (नेपाल)

नर्सः प्रतिमा कार्की ( अष्ट्रेलिया) नीति श्रेष्ठ (अष्ट्रेलिया) किमान्द नूरे (अष्ट्रेलिया) सुनिता थापा (अष्ट्रेलिया) वलराम घिमिरे (अष्ट्रेलिया) भूमा लिम्बू (अष्ट्रेलिया) योगिता शर्मा (अष्ट्रेलिया) नाम सूब्बा (अष्ट्रेलिया) बर्षा बिष्ट (अष्ट्रेलिया)

स्वयंम सेवकः दिपिन वनिया (अष्ट्रेलिया) सन्दिप घिमिरे (अष्ट्रेलिया) गोविन्द (अष्ट्रेलिया) विमल श्रेष्ठ (अष्ट्रेलिया) क्रिपम श्रेष्ठ (अष्ट्रेलिया) वसन्ती थापा (अष्ट्रेलिया)