कतार, एनआरएनए एनसीसी कतारको समन्वयमा आयोजना गरिएको बृहत सांगितिक कार्यक्रम तथा फुटबल प्रतियोगितामा सहभागी हुन चर्चित गायिका कोमल ओली तथा चर्चित गायक मिङमा शेर्पा कतार आइपुगेका छन् । उनीहरुले मंसिर १९ गते शुक्रवार दोहामा हुने कार्यक्रममा आफ्ना चर्चित गीत गाएर नेपालीलाई मनोरञ्जन गराउने छन् ।

सोही अवशरमा एनआरएन कफ २०१४ बाट छनौट भएको नेपाली तथा इण्डियन कम्यूनिटि टिमबीच मैत्रीपूर्ण खेल समेत हुनेछ । यसैगरी कतार स्टार लिग अन्तर्गतको अल अरबी तथा अल सैलिया क्लब बिचको फुटबल खेल पनि हुने आयोजकले बताएका छन् ।

सो कार्यक्रम तथा फटवल प्रतिस्पर्धा हेर्न निःशुल्क व्यवस्था गरिएको छ । कार्यक्रममा दर्शकलाई आकर्षित गर्न निःशुल्क यातायात तथा भाग्यसाली कुपन मार्फत ३० जनालाई दोहा काठमाडौको टिकटहरु तथा अन्य थुप्रै आकर्षक पुरस्कारहरुको समेत व्यवस्था गरिएको आयोजकले जानकारी दिएका छन् ।