काठमाडौं, बैशाख १८-

श्रमिकको मासिक तलवमा ५ हजार बृद्धि गराउन तथा दैनिक ज्याला ६ सय बनाउन नेपाल ट्रेड यूनियन महासंघ(जिफन्ट) ले अभियान चलाउने भएको छ । यसैगरी सामाजिक सुरक्षामा बढीभन्दा बढी श्रमिकको पहुँच बनाउन दवाव र अभियानहरु पनि सञ्चालन गरिने जिफन्ट अध्यक्ष विनोद श्रेष्ठद्धारा जारी प्रेश विज्ञप्तीमा उल्लेख छ । 

मे दिवस, २०१८ को अवसरमा जिफन्टले श्रम अडिटको प्रभावकारी शुरुवातका लागि दवावमूलक कार्यक्रमहरु सञ्चालन गर्ने, एउटै महासंघ बनाउन बृहत एकताका लागि अभियान चलाउने प्रतिवद्धता समेत जनाएको छ । यसैगरी संयुक्त ट्रेड यूनियन समन्वय केन्द्र (जेटीयूसीसी)को समेत थप सुदृढिकरण गरिने र महिला विरुद्धको हिंसा अन्त्य गर्नका लागि पारित जिफन्टको आचारसंहितालाई कार्यान्वयन गराउन विशेष कार्यक्रम पनि सञ्चालन गरिने जिफन्टले जनाएको छ । 

स्वदेशमा नै रोजगारी बृद्धि र  बैदेशिक रोजगारलाई सुरक्षित बनाउने मन्त्री विष्टको प्रतिवद्धता 

विभेद र शोषणहरुको अन्त्यका लागि वर्गिय र सामाजिक समावेशीकरणका अभियानहरु सञ्चालन गरिने, राज्यव्यवस्थाका तीनवटै तहमा श्रमिक वर्गको राजनीतिक पहुँच र शक्ति सुदृढिकरण पनि गरिने भएको छ । 

देशमा नयाँ संविधानको कार्यान्वयन प्रक्रियाले गति लिइसकेको भन्दै देशको भविष्य र जनताको समृद्धिका लागि जिफन्टको प्रतिवद्धता र सपनाहरुलाई व्यवहारमा साकार पार्ने अभियानमा जुटिसकिएको विज्ञप्तीमा जनाइएको छ । बर्षौको संघर्ष र त्यागले प्राप्त उपलव्धीको फलस्वरुप देश र जनताले स्थीर सरकार पाउन सफल भएको भन्दै श्रम ऐन र सामाजिक सुरक्षा ऐन जारी गर्ने काम यहिबीचमा भएको र यसलाई प्रारम्भ गराउन सफलता प्राप्त भएकोमा जिफन्टले सन्तोष व्यक्त गरेको छ । 

यसैबीच मे दिवसको अवसरमा नै विनोद श्रेष्ठको अध्यक्षतामा हालै निर्वाचित नेतृत्वले नेपाल ट्रेड यूनियन महासंघको आगामी कार्यकालको सुरुवात गर्दैछ । मंगलवार नै एक कार्यक्रमका बीच जिफन्टको सातौं महाधिवेशनद्धारा चुनिएको नेतृत्वलाई हस्तान्तरण हुने कार्यक्रम छ ।‘

विदेशबाट स्वदेश फर्केर काम गर्ने हो भनें’