काठमाडौ, मेक्सिकोमा प्रहरीले चलाएको गोली लागेर मारिनेमा तीनजना इजिप्ट र एक एक जना होण्डुरस र पेरुका रहेको खुलेको छ । एकजनाको पहिचान अझै हुन नसकेको रोयटर्स जनाएको छ ।
मेक्सिकोका सैनिकहरूले ३३ जना आप्रवासीहरूलाई बोकेको पिकअप ट्रकमा गोली हानेपछि ६ जनाको मृत्यु भएको हो। घटनास्थलमै चार जना आप्रवासीहरूको मृत्यु भएको थियो भने दुई जनाको अस्पतालमा उपचारको क्रममा मृत्यु भएको थियो। यो समूहमा इजिप्ट, नेपाल, क्युबा, भारत र पाकिस्तानका नागरिकहरू समावेश थिए।
यो घटना मंगलबार साँझ भएको थियो र मेक्सिकोको रक्षा मन्त्रालयले बुधबार यसबारे जानकारी दिएको छ। यो घटना मेक्सिकोको दक्षिणी सिमानामा तनावको संकेत हो, जहाँ संयुक्त राज्य अमेरिकाको दबाबमा आप्रवासन नियन्त्रण गर्न प्रयास भइरहेको छ।