काठमाडौं, असोज १३-
युएईमा भएको सवारी दुर्घटनामा परेर ८ जनाको मृत्यु भएको छ । एक मिनिबस दुर्घटना हुँदा ति आप्रवासी श्रमिकहरुको मृत्यु भएको हो ।मृत्यु हुने मध्ये ६ जना नेपाली भएको युएईको चर्चित अनलाइन गल्फन्यूजले लेखेको छ । तर यस बारेमा थप जानकारी दिइएको छैन । घटनामा नेपालीको मृत्यु भएको पुष्टि नेपाली नियोगले गरिसकेको छैन ।
समाचार अनुसार मृत्यु हुने ८ जना मध्ये ६ जना नेपाली, एक पाकिस्तानी र एक भारतीय हुन् । दुर्घटनामा घाइते भएकाहरु बंगलादेशी तथा ५ जना भारतीय रहेका छन् ।