काठमाडौं, असोज ८-

मंगलवार भएको नेपाल वैदेशिक रोजगार व्यवसायी संघको चुनावमा नेपाली काँग्रेस निकट लोकतान्त्रीक प्यानले क्लीन स्वीप गरेको छ । लोकतान्त्रीक फोरमका सवै उम्मेदवारले राम्रो मतान्तर सहित चुनाव जितेका हुन् ।

चुनावी परिणाम अनुसार नेपाल लोकतान्त्रिक वैदेशिक रोजगार व्यवसायी फोरमका तर्फबाट अध्यक्षका उम्मेदवार विष्णु प्रसाद गैरेले ४८ मतान्तरले प्रगतिशिल समुहका अध्यक्षका प्रत्यासी सरोज कुरमा पोखरललाई पराजीत गरे । गैरेले ३ सय ३० मत प्राप्त गरे ।

यसैगरी प्रथम उपाध्यक्षमा कमल तामाङ, द्वितीय उपाध्यक्षमा कमलदेव मल्ल, तृतीय उपाध्यक्षमा किशोरकुमार केसी, महासचिवमा सुजित श्रेष्ठ, सचिवमा मेगनाथ भुर्तेल र कोषाध्यक्षमा इन्दिरा गुरुङ विजयी भए ।

सदस्यमा हर्कबहादुर लिम्बू, कर्णराज कटुवाल,  विजय लामा, केशवराज न्यौपाने, सुरेन्द्र अर्याल, जङ्गबहादुर इजम, बाबुलाल मगर, दिनेशकुमार रावल, लक्ष्मण पौडेल, छविलाल भट्टराई विजयी भए ।

यो मतपरिणामले यसअघिको कार्यकालमा संघको नेतृत्व बाहिर रहेको काँग्रेस नेकटका व्यवसायीलाई अव श्रम मन्त्रालयसँग आमनेसामने हुने बाटो खुलेको छ । मन्त्रालयले गरेका कतिपय निर्णयको सार्वजनिक समारोेहहरुमा विरोध गर्दै आएको काँग्रेस निकटका व्यवसायीले अव औपचारिक फोरम मार्फत आवाज उठाउने बाटो खुल्ला भएको हो । यसअघि रोहन गुरुङ नेतृत्वको संघको नेतृत्वले कतिपय अवस्थामा सरकारले व्यवसायीको अहित हुनेगरी नीति बनाउँदा पनि त्यसको डटेर सामना गर्न नसकेको आरोप लोकतान्त्रीक पक्षका व्यवसायीले लगाउँदै आएका थिए । फोरमको क्लीन स्वीपमा त्यहि असन्तोषले पनि मलजल गरेको अनुमान गरिएको छ ।