काठमाडौं, जेठ ३०-

नेपाली काँग्रेस सम्वद्ध मजदुर युनियन नेपाल ट्रेड युनियन काँग्रेसको नयाँ नेतृत्वका लागि विहिवार निर्वाचन हुँदैछ । सो निर्वाचनमा संस्थापन पक्ष र सो बाहेकको पक्षका दुई अलग समुह मैदानमा उत्रिएका छन् । दुवै पक्षले सामाजिक सञ्जाल र महाधिवेशनस्थलमा आक्रामक प्रचारप्रसार गरिरहेका छन् ।

नेपाली काँग्रेसका सभापति शेरबहादुर देउवा पक्षबाट वर्तमान अध्यक्ष खिलानाथ दाहालको समुह मैदानमा उत्रिएको छ । अर्का पुरना नेता पुष्कर आचार्यको नेतृत्वमा उठेको समुहलाई रामचन्द्र पौडेल, कृष्णप्रसाद सिटौला लगायतको समर्थन छ । यसैगरी वर्तमान उपाध्यक्ष रमा कोइरालाले पनि अध्यक्षमा उम्मेदवारी घोषणा गरेकी छन् ।

छैठौं राष्ट्रिय महाधिवेशनको मंगलवार उद्घाटन सत्र सकिएको र बुधवार बन्द सत्रको कार्यक्रम भएपनि यो समाचार तयारपार्दा सम्म महाधिवेशन प्रतिनिधिको विषयमा विवाद उत्पन्न भएपछि बन्दसत्र सुरु हुन सकेको छैन । केहि युनियनको प्रतिनिधि सम्वन्धि विवाद मिलेपनि हालसम्म होटल मजदुर संघको विवाद मिलिसकेको छैन । हाल कार्यसम्पादन समितिको बैठक बसिरहेको उपाध्यक्षका प्रत्यासी अजयकुमार राईले बताए । महाधिवेशनमा झण्डै १ हजार ४ सय प्रतिनिधि छन् । नियमित कार्यतालिका अनुसार अगाडी बढेमा विहिवार मतदान हुनेछ ।     

यो पनि पढ्नुहोस् आमा भन्छिन्ः कुखुरा जुध्दा पनि मेरो छोरो परदेशबाट आइपुग्यो झैं लाग्छ