काठमाडौं, बैशाख १८-

श्रम रोजगार तथा सामाजिक सुरक्षा मन्त्री गोकर्ण विष्टले श्रमलाई मर्यादित बनाउँदै आन्तरिक रोजगारीका अवसरहरुलाई व्यापक रुपमा सिर्जना गर्ने, वैदेशिक रोजगारीलाई सुरक्षित, व्यवस्थित र मर्यादित गर्ने  प्रतिवद्धता जनाएका छन् । यसैगरी बालश्रमको निवारण गर्ने एवं श्रमिकको सामाजिक सुरक्षाजस्ता कार्यहरुलाई तीनै तहको उचित समन्वय र प्रयत्नबाट उल्लेखनीय उपलब्धि प्राप्त गर्ने कुरामा आफू कटिवद्ध भएको बताएका छन् ।

रहरले भन्दा पनि करले विदेशिनेहरु

१ सय २९ औं मे दिवसको अवसरमा मन्त्री विष्टले एक विज्ञप्ती जारी गर्दै आजको स्वर्णिम दिन श्रमिको त्याग र वलिदानीपूर्ण संघर्षबाट प्राप्त भएको स्मरण गरेका छन् । मे दिवस मर्यादित श्रम र अधिकार सुनिश्चितताका लागि गरेका प्रयासहरुको सम्झना गराउने दिन भन्दै मन्त्री विष्टले नयाँ संविधानपश्चात् सम्पन्न निर्वाचनबाट आएको सरकार गरिबी, अभाव र बेरोजगारीको  समस्या समाधान गर्ने समाजिक न्यायसहितको समृद्धि प्राप्त गर्ने दिशामा अघि बढेको उल्लेख गरेका छन् । संविधान प्रदत्त श्रमिकका अधिकारहरुको रक्षा र कार्यान्वयनको सुनिश्चितताका लागि सरकार प्रतिबद्ध रहेको पनि उनले जनाएका छन् ।

‘विदेशबाट स्वदेश फर्केर काम गर्ने हो भनें’