काठमाडौं, बैशाख १७-

वैदेशिक रोजगारीका सिलसिलामा विभिन्न मुलुक पुगेका महिला कामदारमध्ये चालू आर्थिक वर्षको गत नौ महिनामा १६ जना महिला कामदारले ज्यान गुमाएका छन् । २०७४ सालको चैत मसान्तसम्म कुल ३२ हजार १ सय ८४ जना महिला कामदार वैदेशिक रोजगारीका लागि विभिन्न मुलुकतर्फ गएको वैदेशिक रोजगार प्रवद्र्धन बोर्डले जनाएको छ ।

— नेपालीले रोजगारीका लागि मनपराएका १० मुलुक (सूची सहित)

वैदेशिक रोजगार प्रवद्र्धन बोर्डका अनुसार २०६५ देखि चालू आवको वैशाख दोस्रो सातासम्मको तथ्यांक हेर्दा करिब १ सयको संख्यामा महिला कामदारको मृत्यु भएको छ । न्यून आयका लागि पनि विभिन्न मुलुकमा पुगेर त्यहाँको रोजगारीका क्रममा ज्यान गुमाउने महिलाको मृत्युको कारण पनि हृदयघात र डिप्रेसनलाई नै औंल्याइएको बोर्डका प्रमुख कार्यकारी निर्देशक रघुराज काफ्लेले जानकारी दिए । उनले यहाँबाट ठुलो महत्वाकांक्षा बोकेर वैदेशिक रोजगारीमा जाने महिलाहरूमा विशेषगरी डिप्रेसन र हृदयघातका कारण मृत्यु भएको देखिएको बताए ।

बोर्डका अनुसार पछिल्ला तीन वर्षको तथ्यांकअनुसार सन् २०१५ मा १२, २०१६ मा २७, २०१७ मा ३२ जना नेपाली महिला कामदारको वैदेशिक रोजगारीको क्रममा विदेशमा नै मृत्यु भएको छ । वैदेशिक रोजगारीमा जाने महिला कामदारको मत्युदर घटाउन सरकार र अन्य विभिन्न निकायबाट हालसम्म भएका प्रयासहरू खासै उपलब्धिमूलक नभएको सम्बन्धित सरोकारवालाको भनाइ छ । उनीहरूले वैदेशिक रोजगारीमा जानेहरूको मृत्युदर घटाउन अहिलेसम्म सरकारले प्रभावकारी काम नै नगरेको बताउँदै आएका छन् । राजधानीबाट

विदेशको राम्रै जागिर छोडेर स्वदेश फर्केर स्वरोजगार