काठमाडौं, बैशाख १४-

सरकारले गन्तव्य मुलुकमा २४ घण्टे बीमा सेवाको प्रस्ताव सम्वन्धित मुलुकहरुसँग गर्ने भएको छ । श्रम रोजगार तथा सामाजिक सुरक्षा मन्त्री गोकर्ण विष्टले रोजगारीका लागि विभिन्न मुलुकमा पुगेका नेपाली कामदारको दुर्घटनामा क्षतिपूर्ति उपलव्ध गराउन मन्त्रालयले २४ घण्टे बीमा प्राथमिकतामा राखेको बताए ।

मन्त्रालयले बैदेशिक रोजगारका लागि श्रम आप्रवासन सम्वन्धि नेपालको स्थिति प्रतिवेदन २०७२ ७४ सार्वजनिक गर्दै मन्त्री विष्टले सरकारले सीप नसिकेका व्यक्तिलाई विदेश जान रोक्ने नीति बनाउने समेत बताए । उनले यो ठूलो र गम्भीर निर्णय हुने भन्दै यसले बैदेशिक रोजगारमा जान चाहनेहरु सीप सिक्न बाध्य हुने अवस्था सिर्जना हुने भन्दै नेपालीको बैदेशिक रोजगार लाभदायक बनाउन सो निर्णयले भूमिका खेल्ने धारणा राखे । बैदेशिक रोजगार सरकारको प्राथमिकताको विषय नभइ केहि समयका लागि बाध्यता भएको भन्दै मन्त्री विष्टले स्वदेशमा नै रोजगारी बृद्धिका योजना अगाडी सारिने जानकारी दिए ।

मन्त्री विष्टले बैदेशिक रोजगारलाई भरपर्दो र गुणस्तरिय बनाउन मन्त्रालयका तर्फबाट नीति तथा ऐनमा सुधारको प्रयास सुरु भएको भन्दै गन्तव्य मुलुकका रहेका कुटनीतिक नियोगबाट मात्र मागपत्र प्रमाणिकरण गर्ने व्यवस्था मिलाउने तर्फ सरकारले अन्तिम तयारी गरिरहेको बताए ।  

यो पनि पढ्नुहोस् अरनिको र मदनहरु